Charla na biblioteca coas asociacións Terras de Miranda e A Sucadoira

O alumnado de quinto e sexto tiveron unhas charlas coas asociacións Terra de Miranda e A Sucadoira. Nelas explicáronlle a importancia de consumir o produto de proximidade, cales son as ventaxas e as desventaxas que isto conleva en canto a alimentación, a calidade e a prezo. Explicáronlles que os seus produtos véndense nos mercados dos mércores e os domingos en Ribadeo. A continuación puideron ver algúns dos cultivos que teñen na Sucadoira como o boniato, o allo negro entre outros e por último puideron plantar eles e elas a súas sementes para levar a casa. Ademais a Sucadoira ten previsto doar ao comedor os seus excedentes en produtos de proximidade e elaborar carteis que decorarán o noso comedor. Nestas charlas mantivemos os grupos estables de convivencia e os tempos de ventilación seguindo o protocolo establecido.

Terras de Miranda e A Sucadoira - Kizoa Movie Maker

Audiocuentos invierno

Aqui vos deixamos tres audiocontos que nos chegaron.

10 de decembro Día Universal dos Dereitos Humanos

O día 10 de decembro no colexio conmemoramos o día Universal dos Dereitos Humanos. Para iso o equipo de biblioteca xunto co equipo de extraescolares facilitou materiais ás titorias a través da aula virtual. Deste xeito o noso alumnado coñeceu que son os dereitos humanos?, cales son? cando se conseguiron? e reflexionaron sobre se eses dereitos son iguais en todos os paises do mundo. Empregando deste xeito o fío conductor deste ano é "A volta ao mundo en 175 días". Para rematar fixeronse algunhas manualidades que nos axudasen a lembrar o aprendido.

Audioconto 1ºA

O alumnado de primeiro A recitou un audioconto "O Casamento da Pulga e o Piollo" para que o resto do alumnado poida escoitalo. Agardamos que vos guste moito, fixéronno moi pero que moi ben!

Participamos no concurso de Postais do Centro de Atención a Maiores de Ribadeo

O Centro de Atención a Maiores de Ribadeo fixonos chegar o seu concurso de postais, todo o alumnado participou na elaboración da súa postal e escribiu a súa mensaxe para os maiores. Foron días moi emotivos.

Concursos Postais de Nadal - Kizoa Movie Maker

3 de decembro Dia Internacional das Persoas con Discapacidade

O tres de decembro conmemoramos o "Día Internacional das Persoas con Discapacidade", para iso o equipo de Biblioteca xunto co equipo de Extraescolares seleccionaron diversos materiais para traballar nas titorías. Entre eles varios genially nos que se explica este día tan importante, varias curtometraxes como: "Tamara", "O cazo de Lorenzo", "Ian", "El regalo", "Pip Inuversidad Canina" entre outros... tras o seu visionado reflexionaron nas aulas sobre os mesmos. Ademais facilitáronse diversos recursos como a actividade "Baixo o mesmo Paraugas" na que tiñan que debuxar como sería o seu paraugas.

Actuación de Migallas

O pasado venres gozamos da actuación de Migallas co seu espectáculo "Elas contan moito".Con el déronnos a coñecer a catro pintoras de diferentes nacionalidades como Xulia Minguillón, Sonia Delaunay, Yayoi Kusama e Frida Kahlo a que o noso alumnado xa coñecia. Pasámolo xenial e aprendemos unha morea de cousas!

Migallas - Kizoa Movie Maker

Iniciándonos na construción de proxectos con movemento da man da programación

Algúns docentes do cole iniciaronse no mundo Spike de Lego cun webinario de Robotix, para aprender e poder trasladar ao alumnado todo o aprendido. A continuación levaron a cabo unhas xornadas prácticas co alumnado. Gustou tanto esta actividade que dende o colexio seguiremos a incluir estas actividades no proceso de ensino aprendizaxe. Non hai nada mellor que aprender pasandoo ben.

Constitución e Parlamento

O xoves día 2 de decembro conmemoramos o día da Constitución e o Parlamento cunha gran votación na que participou todo o alumnado.O alumnado de primaria votou os xogos e materiais que deberían conter os "Patios Inclusivos" e os de infantil o seu conto favorito. Foi un día moi emocionante, cheo de nervios xa que era a primeira vez que tiñan que votar. Primeiro tiveron que buscarse no censo e comprobar que podían votar, logo gardar ben o seu carné da biblioteca xa que sería o documento co que se identificarían e chagada a hora ir a mesa correspondente a votar. Ademais o equipo de biblioteca xunto co de extraescolares facilitaron materiais para traballar este tema nas titorias.

Día Internacional contra a Violencia de Xénero

O día 25 de novembro celebramos no cole o Día Internacional contra a Violencia de Xénero. Para conmemorar este día fixemos diversas actividades, comezamos entrando ao colexio atravesando portas de cor violeta que rápidamente o noso alumnado identificou. Fixemos un obradoiro de chapas en colaboración co Concello de Ribadeo no que cada alumno/alumna fixo o debuxo sobre a violencia de xénero que logo trasladaría a chapa.Ademais o equipo de Biblioteca facilitou diversos materiais as persoas titoras para traballar este día, contos como " ¿hay algo más aburrido que ser una princesa rosa?"Super Lola", Alén loita e acariña facilitado pola súa autora de xeito dixital, "La princesa que no quería comer perdices", algunhas curtas como "el principe ceniciento" ou "cambia el cuento" cos que puideron reflexionar e expresar os seus pensamentos. Despois realizamos diversas manualidades. Foi un día moi enriquecedor para o noso alumnado e a súa implicación foi impresionante.

Obradoiro de chapas 25 Novembro - Kizoa Movie Maker

25 de Novembro: Día Internacional contra a Violencia de Xénero - Kizoa Movie Maker