Constitución e Parlamento

O xoves día 2 de decembro conmemoramos o día da Constitución e o Parlamento cunha gran votación na que participou todo o alumnado.O alumnado de primaria votou os xogos e materiais que deberían conter os "Patios Inclusivos" e os de infantil o seu conto favorito. Foi un día moi emocionante, cheo de nervios xa que era a primeira vez que tiñan que votar. Primeiro tiveron que buscarse no censo e comprobar que podían votar, logo gardar ben o seu carné da biblioteca xa que sería o documento co que se identificarían e chagada a hora ir a mesa correspondente a votar. Ademais o equipo de biblioteca xunto co de extraescolares facilitaron materiais para traballar este tema nas titorias.

Día Internacional contra a Violencia de Xénero

O día 25 de novembro celebramos no cole o Día Internacional contra a Violencia de Xénero. Para conmemorar este día fixemos diversas actividades, comezamos entrando ao colexio atravesando portas de cor violeta que rápidamente o noso alumnado identificou. Fixemos un obradoiro de chapas en colaboración co Concello de Ribadeo no que cada alumno/alumna fixo o debuxo sobre a violencia de xénero que logo trasladaría a chapa.Ademais o equipo de Biblioteca facilitou diversos materiais as persoas titoras para traballar este día, contos como " ¿hay algo más aburrido que ser una princesa rosa?"Super Lola", Alén loita e acariña facilitado pola súa autora de xeito dixital, "La princesa que no quería comer perdices", algunhas curtas como "el principe ceniciento" ou "cambia el cuento" cos que puideron reflexionar e expresar os seus pensamentos. Despois realizamos diversas manualidades. Foi un día moi enriquecedor para o noso alumnado e a súa implicación foi impresionante.

Obradoiro de chapas 25 Novembro - Kizoa Movie Maker

25 de Novembro: Día Internacional contra a Violencia de Xénero - Kizoa Movie Maker

Día Universal da Infancia

O 20 de novembro conmemoramos o Día Universal da infancia. Para iso o equipo de biblioteca facilitou materiais para que os titores e as titoras puidesen traballar sobre ese tema tan importante. Entre os materiais facilitados habís información sobre os dereitos e tamén os deberos dos nenos e nenas, manualidades, cancións... Foi unha xornada moi reflexiva para todo o alumnado e moi entretida, mirade, mirade!

Día Universal da Infancia - Kizoa Movie Maker

Visita do Comemedos

A nosa mascota, Brinqui, tivo unha visita inesperada polo Samaín. O seu amigo o Comemedos decidiu vir visitalo, e de paso levarse todos os medos dos nenos e nenas do cole. Para iso tivemos que traballar arreo, falamos nas aulas dos nosos medos, lemos algúns contos e os máis pequenos do cole debuxaron os seus medos nunhas pantasmas e os máis maiores escribiron os seus medos. A continuación visitaron ao Comemedos para darllos e que se desfixera deles. Aquí podedes ver unha mostra.

COMEMEDOS - Kizoa Movie Maker

MONSTRUOS E HISTORIAS TERRORÍFICAS

Para conmemorar o Samaín estivemos creando monstros e historias terroríficas ao longo de varios días. Na biblioteca, houbo unha exposicion de libros de Samaín con moitas novidades. Os mestres/as podían empregar estos libros na hora de ler coas rapazas e rapaces para que se motivasen nas súas creacións. Esperamos que non pasedes moito medooooo!.

24 DE FEBREIRO DÍA INTERNACIONAL DA BIBLIOTECA

Este ano para conmemorar o Día Internacional da Biblioteca fixemos un fermoso vídeo para que o noso alumnado coñeza o funcionamento da biblioteca e algunhas actividades que se poden realizar nela. As fotos que empregamos son de anos anteriores por iso os rapaces e rapazas saen sen máscara. Agardamos que vos guste.

MOC MOC

O pasado xoves o alumnado de primeiro gozou dunha mañá moi divertida da man do paiaso "Moc, Moc". Non pararon de rir coas súas ocurrencias.