3 de decembro Dia Internacional das Persoas con Discapacidade

O tres de decembro conmemoramos o "Día Internacional das Persoas con Discapacidade", para iso o equipo de Biblioteca xunto co equipo de Extraescolares seleccionaron diversos materiais para traballar nas titorías. Entre eles varios genially nos que se explica este día tan importante, varias curtometraxes como: "Tamara", "O cazo de Lorenzo", "Ian", "El regalo", "Pip Inuversidad Canina" entre outros... tras o seu visionado reflexionaron nas aulas sobre os mesmos. Ademais facilitáronse diversos recursos como a actividade "Baixo o mesmo Paraugas" na que tiñan que debuxar como sería o seu paraugas.

Actuación de Migallas

O pasado venres gozamos da actuación de Migallas co seu espectáculo "Elas contan moito".Con el déronnos a coñecer a catro pintoras de diferentes nacionalidades como Xulia Minguillón, Sonia Delaunay, Yayoi Kusama e Frida Kahlo a que o noso alumnado xa coñecia. Pasámolo xenial e aprendemos unha morea de cousas!

Migallas - Kizoa Movie Maker

Iniciándonos na construción de proxectos con movemento da man da programación

Algúns docentes do cole iniciaronse no mundo Spike de Lego cun webinario de Robotix, para aprender e poder trasladar ao alumnado todo o aprendido. A continuación levaron a cabo unhas xornadas prácticas co alumnado. Gustou tanto esta actividade que dende o colexio seguiremos a incluir estas actividades no proceso de ensino aprendizaxe. Non hai nada mellor que aprender pasandoo ben.

Constitución e Parlamento

O xoves día 2 de decembro conmemoramos o día da Constitución e o Parlamento cunha gran votación na que participou todo o alumnado.O alumnado de primaria votou os xogos e materiais que deberían conter os "Patios Inclusivos" e os de infantil o seu conto favorito. Foi un día moi emocionante, cheo de nervios xa que era a primeira vez que tiñan que votar. Primeiro tiveron que buscarse no censo e comprobar que podían votar, logo gardar ben o seu carné da biblioteca xa que sería o documento co que se identificarían e chagada a hora ir a mesa correspondente a votar. Ademais o equipo de biblioteca xunto co de extraescolares facilitaron materiais para traballar este tema nas titorias.

Día Internacional contra a Violencia de Xénero

O día 25 de novembro celebramos no cole o Día Internacional contra a Violencia de Xénero. Para conmemorar este día fixemos diversas actividades, comezamos entrando ao colexio atravesando portas de cor violeta que rápidamente o noso alumnado identificou. Fixemos un obradoiro de chapas en colaboración co Concello de Ribadeo no que cada alumno/alumna fixo o debuxo sobre a violencia de xénero que logo trasladaría a chapa.Ademais o equipo de Biblioteca facilitou diversos materiais as persoas titoras para traballar este día, contos como " ¿hay algo más aburrido que ser una princesa rosa?"Super Lola", Alén loita e acariña facilitado pola súa autora de xeito dixital, "La princesa que no quería comer perdices", algunhas curtas como "el principe ceniciento" ou "cambia el cuento" cos que puideron reflexionar e expresar os seus pensamentos. Despois realizamos diversas manualidades. Foi un día moi enriquecedor para o noso alumnado e a súa implicación foi impresionante.

Obradoiro de chapas 25 Novembro - Kizoa Movie Maker

25 de Novembro: Día Internacional contra a Violencia de Xénero - Kizoa Movie Maker

Día Universal da Infancia

O 20 de novembro conmemoramos o Día Universal da infancia. Para iso o equipo de biblioteca facilitou materiais para que os titores e as titoras puidesen traballar sobre ese tema tan importante. Entre os materiais facilitados habís información sobre os dereitos e tamén os deberos dos nenos e nenas, manualidades, cancións... Foi unha xornada moi reflexiva para todo o alumnado e moi entretida, mirade, mirade!

Día Universal da Infancia - Kizoa Movie Maker

Visita do Comemedos

A nosa mascota, Brinqui, tivo unha visita inesperada polo Samaín. O seu amigo o Comemedos decidiu vir visitalo, e de paso levarse todos os medos dos nenos e nenas do cole. Para iso tivemos que traballar arreo, falamos nas aulas dos nosos medos, lemos algúns contos e os máis pequenos do cole debuxaron os seus medos nunhas pantasmas e os máis maiores escribiron os seus medos. A continuación visitaron ao Comemedos para darllos e que se desfixera deles. Aquí podedes ver unha mostra.

COMEMEDOS - Kizoa Movie Maker